Doktorsnemar

Bókasafn Menntavísindasviðs sinnir margþættri þjónustu við doktorsnema sviðsins.  Ýmsar aðrar hagnýtar upplýsingar fyrir doktorsnema á Menntavísindasviði má finna á hér.

HEIMILDIR  

Safnkostur
Bókasafn Menntavísindasviðs er sérhæft safn á sviði uppeldis, kennslu, umönnunar og þjálfunar. Í safninu eru skráð ríflega 90 þúsund bindi, en auk þess er boðið upp á aðgang að rafrænu efni, tímaritum og gagnasöfnum, rafrænum bókum og skýrslum. Aðgangur að rafrænu efni er þrenns konar:

  • Opinn aðgangur (open access) – efnið er öllum opið á vefnum, án gjaldtöku
  • Landsaðgangur – efnið er opið á öllum tölvum með íslenska IP-tölu
  • Háskólanetið – ýmiss konar efni sem keypt er í séráskriftum og er einungis opið á tölvum tengdum Háskólanetinu eða með aðgangi í gegnum VPN tengingu utan Háskólasvæðisins. Nánari leiðbeiningar um tengingar við Háskólanetið eru á vef Reiknistofnunar. Leiðbeiningar má einnig finna í Uglunni undir Tölvuþjónusta – VPN.

Efnisval
Efnisval fer fram í samráði við akademíska starfsmenn sviðsins og þá starfsmenn safnsins sem hafa yfirsýn yfir safnkostinn.  Nemendur geta einnig borið fram tillögur að innkaupum og er þá skoðað í hvert sinn hvort ástæða þykir að verða við tiltekinni beiðni. Doktorsnemar geta lagt fram tillögur um kaup á efni í samráði við leiðbeinendur.

Vegna ritakaupa fyrir bókasafn Menntavísindasviðs þarf að fylla út eyðublað um ritakaup. Doktorsnemar þurfa að geta hver sé leiðbeinandi og hann þarf að samþykkja beiðnina.  

Við val á efni skal taka mið af þörfum notenda safnsins, hvað er líklegt til að nýtast vel og sem flestum, hvað er til á viðkomandi efnissviði og hvað vantar, og gæta þess að eðlilegt jafnvægi ríki á milli einstakra námsgreina.

Ef innkaupatillögu er hafnað, t.d. ef um er að ræða mjög sérhæft efni sem ólíklegt er að nýtist fleirum, er yfirleitt hægt að útvega efnið í millisafnaláni. Sjá nánar neðar á síðunni.  Mælst er til þess að doktorsnemandi hafi samráð við leiðbeinanda um öflun heimilda. Á það við um hvenær rétt sé að panta millisafnalán og hvað sé ástæða til að óska eftir að verði keypt.

Aðstoð við heimildaleitir
Bókasafnið býður upp á styttri námskeið og kynningar um heimildaleitir og heimildaskráningu. Námskeið og kynningar eru auglýstar á vef safnsins og Facebooksíðu. Einstaklingar og hópar geta einnig pantað einkaleiðsögn hjá Margréti, kennara safnsins í upplýsingalæsi, margudm@hi.is. Doktorsnemar geta einnig leitað aðstoðar við heimildaleit til upplýsingafræðings sem er á vakt alla virka daga frá 9 til 15. Ýmsar gagnlegar leiðbeiningar um heimildaleit má finna á vef bókasafnsins.

Upplýsingaleit gegn gjaldi
Landsbókasafn Íslands býður nemendum upp á upplýsingaleit gegn gjaldi.

Millisafnalán
Efni, bækur eða tímaritsgreinar sem ekki eru til í bókasafninu er hægt að útvega úr öðrum söfnum með millisafnaláni. Fylla þarf út þar til gerða beiðni á leitir.is. Ef panta á efni sem til er á leitir.is þá þarf að notandi að skrá sig inn með notendanafni og lykilorði. Notendanafnið er kennitalan og lykilorðið er fjórir tölustafir sem notendur velja sér. Hafa þarf samband við afgreiðslu safnsins til að virkja lykilorð. Nánari leiðbeiningar varðandi pöntun á millisafnaláni eru hér.

Ef vandkvæði koma upp má hafa samband við mennta-msl@hi.is. Doktorsnemar Menntavísindasviðs þurfa að öllu jöfnu ekki að greiða fyrir millisafnalán. Þó geta verið undantekningar á því ef um er að ræða nýjar dýrar greinar í tímaritum með birtingartöf.

Árvekniþjónusta
Bókasafnið getur sett upp árvekniþjónustu fyrir einstaklinga sem fá þá tilkynningu þegar nýtt efni á ákveðnu sviði kemur út eða ný tímarit. Þeir sem óska eftir slíkri þjónustu hafi samband við Lindu, lindae@hi.is.

Ljósritun og prentun
Aðstaða er á bókasafninu til að prenta út og ljósrita. Doktorsnemar greiða fyrir slíkt samkvæmt gjaldskrá. Fyrirfram greiddur prentkvóti gildir ekki á bókasafninu. Prentkvótinn gildir á prentara í tölvuveri.

RITUN OG ÚTGÁFA

Ritver
Ritver Menntavísindasviðs býður upp aðstoð við fræðileg skrif. Nánari upplýsingar um þjónustu ritvers eru á vef ritvers.

Heimildaskráningarforrit
Landsmenn hafa aðgang að heimildaskráningarforritinu EndNote Online í gegnum landsaðgang að Web of Science. Háskóli Íslands veitir nemendum og starfsfólki skólans að auki, aðgang að EndNote (desktop útgáfu). Bókasafn Menntavísindasviðs býður reglulega upp á námskeið í notkun EndNote Online. Einnig má panta leiðsögn hjá Margréti, margudm@hi.is. Háskólabókasafn býður upp á námskeið í notkun EndNote.  

Fræðsla í samstarfi við ritver
Bókasafnið býður upp á námskeið í samvinnu við ritver. Námskeiðin fjalla um ýmis gagnleg atriði fyrir ritun, heimildaleitir og heimildaskráningu í EndNote Online.

ISBN númer
Bókasafn Menntavísindasviðs úthlutar ISBN númerum. Hægt er að sækja um ISBN númer fyrir doktorsverkefni hjá Gunnhildi, gunnh@hi.is.

Opinn aðgangur og Opin vísindi
Háskóli Íslands samþykkti stefnu um opinn aðgang að rannsóknarniðurstöðum og lokaverkefnum 6. febrúar 2014. Þar er hvatt til birtingar fræðigreina á vettvangi sem er opinn. Ein leið til að birta efni í opnum aðgangi er Opin vísindi sem er stafrænt varðveislusafn fyrir ritrýndar vísindagreinar og efni sem birtist á vegum íslenskra háskóla. Frá 2016 eru doktorsverkefni vistuð þar. Eldri doktorsverkefni eru vistuð í Skemmunni.

ORCID aukenni
Fræðimenn eru hvattir til að útvega sér ORCID auðkenni sem er nokkurs konar kennitala til að tengja saman mismunandi nafnmyndir höfunda og aðgreina fræðimenn með sama nafni.  

Höfundarréttarleyfi
Mælt er með notkun Creative Commons (CC) leyfa sem komið var á til að greiða fyrir opnum aðgangi. CC gerir höfundum kleift, með einfaldri staðlaðri leið, að skilgreina afnotaleyfi sem veita notendum rétt til að afrita, dreifa verkum og breyta, endurbæta og byggja ofan á, allt innan ramma höfundaréttarlaga. Nánari upplýsingar um CC eru hér.

GAGNLEGAR LEIÐBEININGAR
 
 
PHD on track er leiðbeiningavefur fyrir doktorsnema sem nokkrir norrænir háskólar hefa sett upp. Þar má finna gagnlegar upplýsingar um heimildir, útgáfu og áhrifastuðul.

 

 

Þú ert að nota: brimir.rhi.hi.is